बिराट कोहली र अनुष्काले डिसेम्बरमा बिहे गर्ने चर्चा

भारतीय क्रिकेटर बिराट कोहली र अभिनेत्री अनुष्का शर्माबीच विवाहको चर्चा फेरि चल्न थालेको छ । भारतीय मिडियाका अनुसार उनीहरुले यही डिसेम्बरमा बिवाह गर्ने तयारी गरेका छन् ।कोहलीले दिल्लीको आफ्नो घरमा र अनुष्काले मुम्बईको घरमा विहेको तयारी सुरु गरिसकेको समाचारमा उल्लेख छ । दुवै घरमा यतिबेला रौनक छाएको छ । हालै मात्र फेसन डिजाइनर सव्यसाची आफ्नो टिमका साथ अनुष्काको घर गएका थिए । उनले त्यहाँ निकै लामो समय बिताए । उनले अनुष्काको लागि बिहेको ड्रेस डिजाइन गरिरहेको बताइन्छ ।

केही दिन अगाडि बिराट कोहलीले डिसेम्बर महिनामा आफ्नो टिमबाट छुट्टी मागेको समाचार आएको थियोउ । उता अनुष्का पनि अहिले चाँडोभन्दा चाँडो शाहरुख खानसँगको फिल्मको सुटिङ सिध्याउन जुटेकी छिन् ।शाहरुखले पनि अनुष्काको परिस्थितिलाई मध्यनजर गर्दै अतिििरक्त समय सुटिङलाई दिइरहेका छन् ।विवाहपछि उनीहरु मुम्बईको बरली इलाकामा सिफ्ट हुने बताइएको छ । त्यहाँ उनीहरुले लगभग ३४ करोडको एउटा फ्ल्याट खरिद गरेका छन् । यसअघि गत वर्ष पनि बिराट र अनुष्काको बिहेको चर्चा चलेको थियो । गत वर्षको डिसेम्बर महिनामा उनीहरुबीच ईंगेजमेन्ट समेत भएको खबर भारतीय मिडियाले प्रकाशित गरेका थिए । त्यसको खण्डन गर्दै बिराटले आफूहरुबीच इंंगेजमेन्ट नभएको प्रष्टोक्ति दिएका थिए ।

साभारः अनलाइन खबरबाट