सिन्धुलीमा बम विस्फोट

सिन्धुलीः सिन्धुलीको हरिहरपुरगढी गाउँपालिका ७ क्यानखोलामा गएराति चुनावी प्रचारको गाडीलाई लक्षित गर्दै बम विस्फोट गराइएको छ। हरिहरपुगढी गाउँपालिकाका अध्यक्ष काल्साङ थिङसहित चुनावी प्रचारको टोली चढेको बा १५ च २७४७ नम्बरको गाडीलाई लक्षित गर्दै प्रेसर कुकर विस्फोट गराइएको अध्यक्ष थिङले बताए।क्यानखोलाको बगरमा बालुवामा छोपी राखेको बम विस्पोट हुँदा मानवीय क्षति नभएपनि बालुवाले गाडी छोपिएको थिङले जनाए।

मंगलबार राति करिव ७ बजेको समयमा बम विस्फोट भएको स्थानीयको भनाई छ। तर, उक्त विषयमा सिन्धुली प्रहरीले भने बम विस्फोट नभई कसैले प्रेसर कुकर राखेर तर्साएको हुन सक्ने प्रतिक्रिया दिएको छ। सिन्धुलीका प्रहरी नायव उपरीक्षक विनोदराज शर्माले बम नभएर थोत्रो प्रेसर कुकर बगरमा राखेर छोडेको बताए।

राजन गाउँले ,साभारः अन्नपूर्ण पोष्टबाट